அதிமுக ராஜ்யசபா வேட்பாளர்களாக கே.பி.முனுசாமி – தம்பிதுரை – ஜி.கே..வாசன் அறிவிப்பு!

அதிமுக சார்பில் மாநிலங்களவை வேட்பாளர்களாக கே.பி.முனுசாமி, தம்பிதுரை, ஜி.கே.வாசன் ஆகியோர் அறிவிக்கப்பட்டுள்ளனர்.

 நாடாளுமன்ற மாநிலங்களவையில் தற்போது எம்.பி.க்களாக இருக்கும் 55 பேரின் பதவிக்காலம் அடுத்த மாதம் 2 ம் தேதியுடன் முடிவடைகிறது.

தமிழகத்தில் இருந்து மாநிலங்களவை உறுப்பினர்களாக இருக்கும் திமுகவின் திருச்சி சிவா, மார்க்சிஸ்ட் கட்சியின்  டி.கே.ரங்கராஜன்,  அதிமுகவின் சசிகலா புஷ்பா, விஜிலா சத்யானந்த், மேட்டுப்பாளையம் செல்வராஜ், முத்துக்கருப்பன் ஆகிய 6 பேரின் பதவிக்காலமும் நிறைவடைகிறது.

இந்த காலியிடங்களுக்கு புதிய எம்.பி.க்களை தேர்வு செய்வதற்காக வருகிற 26-ந் தேதி தேர்தல் நடைபெற இருக்கிறது. இதற்கான வேட்புமனு தாக்கல் கடந்த 6-ந் தேதி தொடங்கியது.

மாநிலங்களவை தேர்தலுக்கான திமுக சார்பில் போடியிடும் வேட்பாளர்களை அக்கட்சி கடந்த வாரமே அறிவித்தது. ஆனால், அதிமுக அறிவிக்காமல் இருந்து வந்தது.

இந்த நிலையில், அதிமுக சார்பில் மாநிலங்களவை தேர்தலில் போட்டியிடும் வேட்பாளர்கள் பெயர் அறிவிக்கப்பட்டுள்ளது.   தம்பி துரை, கே.பி முனுசாமி,  ஜி.கே வாசன் ஆகியோர் போட்டியிடுவார்கள் என்று அறிவிக்கப்பட்டுள்ளது.

அதிமுக ஆட்சி மன்றக் குழு கூட்டத்தில் முடிவு எடுக்கப்பட்டதாக ஓபிஎஸ்- இபிஎஸ் வெளியிட்ட கூட்டறிக்கையில் தெரிவிக்கப்பட்டுள்ளது.