பிறமொழிகளில் உள்ள ஊர் பெயர்களை தமிழில் மாற்ற நடவடிக்கை: அமைச்சர் கே.பாண்டியராஜன் தகவல்!

தமிழகத்தில் பிறமொழிகளில் உள்ள ஊர்ப் பெயர்கள்,  தெருப் பெயர்களை தமிழில் மாற்று வதற்கான பணிகள் தொடர்ந்து நடைபெற்று வருகின்றன என்று அமைச்சர் பாண்டியராஜன் தெரிவித்துள்ளார். முதல் கட்டமாக ஆயிரம் பெயர்கள் விரைவில் மாற்றப்படும் என்றும் அவர் கூறினார்.

கனரா வங்கி அதிகாரிகள் சங்கம் சார்பில் 18-வது மாநாடு சென்னை திருவான்மியூரில் நேற்று தொடங்கியது. இதில் அமைச்சர் கே.பாண்டியராஜன்  சிறப்பு விருந்தினராக கலந்துகொண்டார்.பின்னர் செய்தியாளர்களிடம் பேசிய அமைச்சர் பாண்டியராஜன் கூறியதாவது:-

தமிழகத்தில் பிறமொழிகளில் உள்ள ஊர்ப்பெயர்கள்,  தெருப்பெயர்களை தமிழில் மாற்று வதற்கான பணிகள் தொடர்ந்து நடைபெற்று வருகின்றன. முதல் கட்டமாக ஆயிரம்  பெயர்கள் விரைவில் மாற்றப்படும்.

மாணவ, மாணவியரின் உளவியல்ரீதியான பிரச்சினைகளைக் கன்டறிந்து அவர்களுக்கு தேவையான ஆலோசனை வழங்க ஐஐடி நிர்வாகம் நடவடிக்கை எடுக்க வேண்டும்.

ஐஐடி காவிமயம் ஆகிக்கொண்டு வருவதாக திமுக தலைவர் மு.க.ஸ்டாலின் குற்றம் சாட்டியிருப்பதை ஏற்க முடியாது. எல்லாவற்றையும் காவிமயமாக பார்க்கக் கூடாது.

தமிழகத்தில் உள்ள கல்வி மையங்களில் காவி மயம் ஏதும் இல்லை. தமிழக அரசைப் பொறுத்தவரை வானவில் லின் நிறம் போல பாரதப் பண்பாட் டில் ஒன்றாக இருக்கிறது என்று அமைச்சர் பாண்டியராஜன் தெரிவித்தார்.